DOCUMENT

6 | Te Kete Tau Tōmua Hōkai Nukurangi KETE • I ētahi wā, kāore i te mōhiotia te pūtake pū i hua ake ai te hōkai nukurangi. • Mō ngā momo hōkai nukurangi katoa, ka ōrite te āhua o te whakararutanga tuatahi ki ngā roro. Ka huri te āhua o te pānga ki te whanaketanga o tō tamaiti i roto i te wā. Te whai tautohutanga o te hōkai nukurangi – he ara ki te tautohutanga • He rerekē ngā ara whiwhi tautohu hōkai nukurangi mō te katoa, ā, ka uaua pea i ētahi wā. • Mō ētahi whānau, ka kitea tōmuatia ētahi āhuatanga e tohu ana i te tūpono nui o te whai hōkai nukurangi, hei tauira, te whānau mai i te taumahatanga iti, te whānau tōmua mai rānei. • Mō ētahi atu whānau, he tohu nui te whanake tōmuri, me te aha, me kōrero ki ngā kiringaio hauora o tō tamaiti. • Kua kī mai ngā whānau, i a rātou e tatari ana ki te tautohu o te tamaiti, i rongo rātou i ngā kare ā-roto huhua, tae ana ki te pukuriri, te kaniawhea me te rangirua. • I Aotearoa i tēnei wā, ka tautohua te nuinga o ngā tamariki i mua i te 2 tau te pakeke. • He nui ngā whānau ka kite tōmua i te rerekē o ngā matea whakawhanaketanga o tā rātou tamaiti. Cerebral Palsy i Aotearoa New Zealand • Ko te hōkai nukurangi te hauātanga ā-tinana nui katoa i te taitamarikitanga, ka pā ki te 1 i roto i te 500-600 pēpi i whānau mai i Aotearoa. • E whakapaetia ana, kei te takiwā o te 10,000 tāngata e pāngia ana e te hōkai nukurangi I Aotearoa. Ngā puna pārongo matua i Aotearoa mō te Hōkai Nukurangi Kidshealth NZ Ngā pārongo mā ngā whānau o Aotearoa e pā ana ki te hauora me te oranga o ngā tamariki. www.kidshealth.org.nz/cerebral-palsy Healthify - i mua ko Health Navigator Ngā ratonga me ngā pārongo rauemi mō te ao hōkai nukurangi i Aotearoa - he ōrite te āhua o ngā kai ki ērā a Kidshealth NZ. www.healthify.nz/health-a-z/c/cerebral-palsy Cerebral Palsy Society of NZ He whakahaere ā-mema e mahi ana ki te whakapai ake i te oranga o te hunga whai mate hōkai nukurangi, mā te whakarato hōtaka, tautoko, me ngā tohutohu. www.cerebralpalsy.org.nz Te Rēhita a Hōkai Nukurangi Aotearoa Ka whakatōpū te rēhita i ngā pārongo mō te hōkai nukurangi i Aotearoa, ka whakamahia ki te tautoko i ngā kōkiritanga, ngā whakamaheretanga Hauora me ngā rangahau. He mahi tūao te whai wāhi mai. www.starship.org.nz/health-professionals/ cerebral-palsy-research “Ehara i te mea me mahi, me mōhio rānei e koe ngā mea katoa i te wā kotahi.” - HE WHAKATAUĀKĪ ĀWHĀNAU