DOCUMENT

Hōkai Nukurangi Te Kete Tau Tōmua | 3 KETE Nau mai haere mai Ngā mihi nui i tēnei āpitihanga hou ki tōu whānau. He puka tēnei mā ngā whānau e kimi ana i ngā pārongo me ngā rauemi hauora mō ngā tamariki kua pāngia e te hōkai nukurangi i Aotearoa. Mehemea kua rongo koe mō te pānga o tō tamaiti ki te hōkai nukurangi, ko tā tēnei kete he whakamōhio i a koe ki ētahi rauemi hauora me ētahi ratonga e wātea ana ki a koe kia tōnui ai kōrua ko tō tamaiti. Ka pā te hōkai nukurangi (ka kīia i ētahi wā ko te CP) ki ngā tamariki mā ngā ara maha, ā, ka rerekē te āhua o tōna oranga i tēra i whakamaheretia e koe. Mō te huhua tangata, me he reo hou ngā kupu rata ka rangona e koe e hāngai ana ki te hōkai nukurangi - e tūmanako ana he āwhina kei roto I tēnei puka. Me aro ki ngā mahi ka taea e tō tamaiti. He ahureinga tō ia tamaiti, ā, he nui ngā mea ka taea e kōrua. He nui ngā kare ā-roto ka rangona e koe, nā reira tiaki a koutou ko tō whānau. He whakatakinga He mihi He hua tēnei kete o ngā mahi o te kaupapa o CaPTuRE, i tūhura i ngā wheako o ngā whānau kua whiwhi tautohu hōkai nukurangi i Aotearoa. Nā ngā whānau whai wheako ki te hōkai nukurangi I tohu ngā wero huhua me ētahi mahi ka āwhina pea i ētahi atu. 1 Tēnā koutou, Starship Foundation me Athlae Lyon Starship Research Trust i ngā pūtea tautoko, me ngā pūtea tautoko āpiti nā te Cerebral Palsy Society nō te Sutherland Self Help Trust, me Trillian Trust, ki te tautoko i te tāpaetanga, te whakamāoritanga me te tuaritanga o tēnei puka ki ngā whānau. E manawareka ana mātou ki ngā tāngata katoa I whāngai i tēnei mahi, tae ana ki ngā whānau me ngā tāngata kua whai wheako ki te hōkai nukurangi; ki a Cerebral Palsy Society of New Zealand me ngā kiringaio hauora puta noa I Aotearoa. 1. Williams SA, Nakarada-Kordic I, Mackey AH, Reay S, Stott NS. Prioritized strategies to improve diagnosis and early management of cerebral palsy for both Māori and non-Māori families. Dev Med Child Neurol. 2024; 66: 1074–1083. https://doi.org/10.1111/dmcn.15847