DOCUMENT

16 | Te Kete Tau Tōmua Hōkai Nukurangi KETE • Ka āwhina ngā hāpaiora tōmua i te whanaketanga o tō tamaiti, mehemea e tōmuri ana, e āmaimaitia ana rānei te kokenga. • Ka mahi tahi pea ngā ratonga hāpaiora hauora me te mātauranga. Ngā hāpaiora tōmua puta noa i Aotearoa • Tukua ai e Health NZ, Te Whatu Ora ngā hāpaiora hauora tōmua puta noa i Aotearoa mā ngā Ratonga Whakawhanake Tamariki. www.healthpoint.co.nz • Tukua ai e Child Development Services ngā aromatawai me ngā ratonga hāpaiora huhua, e ai ki ngā matea o tō tamaiti me te whānau. He rerekē ngā pakeketanga mō ngā ratonga i ia rohe I Aotearoa. • Ka mahi tahi te Tīma Whanake Tamariki ki a koutou ko tō whānau ki te whanake i te tū motuhake a tō tamaiti i ngā mahi o ia rā. • I te nuinga o te wā, ka peka atu ngā mema tīma ki tō kāinga ki te kite i a kōrua ko tō tamaiti, ka kite rānei i a koe ki te hōhipera, ki te whare haumanu rānei. • Ka whakawhitia tō tamaiti e tō rata arowhānui, e ētahi atu kiringaio hauora me ngā kaiwhakarato hauora, tae ana ki a Well Child. Te marama Ka mahi tahi te Tīma Whanake Tamariki ki a kōrua ko tō tamaiti: • kia mārama ki ngā matea o tō tamaiti me tō whānau • ki te tautoko i a koe mā ngā arawātea ako kōhungahunga, ngohe anō hoki • kia āwhina ki te whakamahere i te whakaurunga o ngā ngohe ki te ia rā o tō whānau. Ngā kōrero matua: • Ka āwhina ngā tūāoma i tō tamaiti me tō whānau ki te whakatutuki i tētahi whāinga, i tētahi aronga rānei • Me noho ko te whānau ki te iho o ngā hāpaiora • Me aro ngā hāpaiora ki te ngahau, te tākaro, te neke, te tūhura me te ako • Ka akiaki ngā hāpaiora i tō tamaiti kia whai wāhi ki ngā mahi o ia rā e hāngai ana ki te pakeketanga me te tūāoma o tō tamaiti • Me nui ake te wero i ngā hāpaiora, nā te mea ka whanake haere ngā pūkenga o tō tamaiti. I runga ake te whakaahua na Cubro. ki ngā hāpaiora tōmua