DOCUMENT

8 | Ngaahi fakamatala fekau aki mo e fānaú Cerebral Palsy - Hōkai Nukurangi KETE ' Fengāue‘aki anga mahení • ‘Oku ngāue‘aki ‘e he kau ‘ōfisa mo‘uí ‘a e ngaahi fakatu‘utu‘unga ko ‘ení ke fakamahino‘i ‘a e me‘a ‘oku lava ‘e ho‘o tama´ ke fai mo e me‘a ‘e ‘ikai lava ke ne fakahoko leleí. • Ko e ngaahi fengāue‘aki angamaheni ko ‘ení ‘oku fakamahino‘i ‘i he ngaahi fakatu‘utu‘unga pau ki he ngaue pe ‘unu ‘a e sinó, ngāue‘aki ‘a e nimá, sió, kaí mo e fetu‘utakí. ‘Oku ngāue‘aki ‘e he ngaahi fakatu‘utu‘ungá ‘a e lēvolo I – V (1 – 5) ‘a ia ko e lēvolo 1 ki he lelei ange ‘a e fengāue‘aki ‘a e sinó pea V ki he ‘ikai lelei ‘a e fengāue‘aki ‘a e sinó. • ‘E lava ‘e he ngaahi fakatu‘utu‘unga ko ‘ení ‘o tokoni‘i koe ‘i ho‘o tokangaekina ‘a e ngaahi fiema‘u ‘a ho‘o tamá ki he mo‘ui leleí mo e akó. • ‘Oku fekau‘aki ‘a e fakatu‘utu‘unga ‘oku ‘iloa ko e The Gross Motor Functional Classification System (GMFCS) mo e ngaahi ‘unu lalahi ‘a e sino hangē ko e mafuli, totoló pe lué. • ‘Oku fekau‘aki ‘a e fakatu‘utu‘unga ‘oku ‘iloa ko e The Manual Ability Classification System (MACS) mo e ngaahi ‘unu iiki ‘a e sinó hangē ko e ‘unu ‘a e nimá mo e umá hangē ko hono puke ha me‘a va‘inga. ‘E lava ke ma‘u ha ngaahi fakaikiiki kehe fekau‘aki mo e ngaahi fakatu‘utu‘unga ko ‘ení mei ho‘o kilīnikí pe Toketā fakafāmilí pe ko e: www.starship.org.nz/ guidelines/classification-systems-for-cerebral-palsy Ngaahi fakamatalá mo e uepisaití ki he CP My CP Guide (Australia) Kiate kinautolu ‘oku nau fe‘ao mo e CP . www.mycpguide.org.au CPAlliance (Australia) Ko ha kautaha pe kulupu ngāue ‘oku nau fakahoko ha tokoni pea mo poupou ki he ngaahi fakatotolo ki he CP. www.cerebralpalsy.org.au/cerebral-palsy Canchild (Canada) Ko ha kautaha pe kulupu ngāue ‘oku nau poupou ki he ngaahi fakatotolo mo e ngaahi fakakaukau pe fa‘unga fo‘ou fekau‘aki mo e CP . www.canchild.ca/en/diagnoses/cerebral-palsy CP Foundation (USA) Ngaahi fakamatala ma‘ae ngaahi fāmilí mo e kau ‘ōfisa mo‘uí. www.yourcpf.org Ngaahi Lea ‘oku faka‘aonga‘i ki he ngaue ‘a e sino Fakafefeka ‘a e uouá pe ‘oku ‘iloa ko e Spastic pe Spasticity ‘Ikai lava pule‘i ‘a e ngaue ‘a e uouá pe ‘oku ‘iloa ko e Dyskinetic Ngaahi ngaue pe ‘unu ‘a e uouá pe sinó ‘oku kehe mei he anga mahení pea ‘oku ‘ikai lava ke pule‘i pe ‘oku ‘iloa ko e Dystonia pe Dystonic Mafuli pe vilo ‘a e nimá pe va‘é pe ‘oku ‘iloa ko e Athetosis pe Athetoid ‘Ikai lava ke pule‘i ‘a e uouá ke fai ha me‘a pe ‘oku ‘iloa ko e Ataxic “Don’t place a ceiling to what the child might achieve - every child is unique.” - FAMILY QUOTE