DOCUMENT

6 | Fa'amatalaga mo pepe Cerebral Palsy - Hōkai Nukurangi CEREBRAL PALSY • Mo itūaiga ‘uma o le CP, e tutusa mua‘i a‘afiaga o le fai‘ai. A‘o a‘afiaga i le tino o lau tama oleā suisui i aso a sau a‘o tuputupu a‘e. ‘O le fa‘amautinoa o auga o le CP mo lau tama • ‘O ala e fa‘amautinoa ai auga o le CP e ‘ese‘ese mo tagata ‘uma ma e ono iai faigatā. • Mo isi ‘āiga, e iai vāega fa‘ailoilo e vave iloa ai e telē le avanoa ‘ole‘ā maua ai e la lātou pepe le CP, mo se fa‘ataitaiga o le vave fānau po‘o le māmā o pauna o le mamafa o le pepe i le taimi na fānau ai. • Mo isi ‘āiga, o le teletelegese ma le fa‘atuatuai o le ausia o la‘asaga tāua o le tuputupu a‘e o ni fa‘ailoilo ua tatau loa ona talatalanoa ma le tausi soifua a lau tama. • ‘Ua mātou maua molimau mai nisi o ‘āiga a‘o lātou tālia le fa‘amautinoaina o auga mo la lātou tamaitiiti, sā o lātou lagonaina le tele o lagona ‘ese‘ese e aofia ai le mapu, mamafatū o manatu, ita, fa‘anoanoaga ma le lē mautonu. • I le taimi lenei i Aotearoa Niu Sila o le tele o tamaiti ua fa‘amautinoa auga o le CP ae le‘i o‘o i le lua tausaga le matutua. • O le tele o ‘āiga e lātou te vave iloa e iai mana‘oga fa‘apitoa ‘eseese o le ola tuputupu a‘e o la lātou tamaitiiti. Cerebral Palsy i totonu o Aotearoa Niu Sila • ‘O le CP o se tasi o ma‘i tūmau o le tino e ta‘atele a‘o laitiiti, ma a‘afia ai pe ā ma le tasi le tamaitiiti i totonu o le 500-600 pepe fānanau i Aotearoa Niu Sila. • ‘Ua faitau pe ā ma le sefulu afe o tagata ‘olo‘o ola ma le CP i Aotearoa Niu Sila. ‘O fa‘alāpotopotoga e maua ai fa‘amatalaga tāua e uiga i le CP Kidshealth NZ E maua ai fa‘amatalaga mo ‘āiga Niu Sila e fa‘atatau i le ola mālōlōina o tamaiti. www.kidshealth.org.nz/cerebral-palsy Healthify E maua ai fa‘amatalaga ma le auaunaga e fa‘atatau i le feagai ai ma le CP i totonu o Aotearoa Niu Sila – e tai tutusa ma fa‘amatalaga ‘olo‘o maua i le Kidshealth NZ. www.healthify.nz/health-a-z/c/cerebral-palsy Cerebral Palsy Society of NZ ‘O se fa‘alapotopotoga mo sui resitara e galulue mo le fa‘aleleia o le ola o i lātou ‘olo‘o maua i le CP, e ala i polōkalame, auaunaga lagolago ma fautuaga. www.cerebralpalsy.org.nz ‘O le Puna‘oa Fa‘amau o le Cerebral Palsy a Niu Sila E fa‘amau ai fa‘amatalaga fa‘a-soifua mālōlōina e fa‘atatau i le CP i totonu o Aotearoa Niu Sila mo galuega lagolago ma su‘esu‘ega. E tu‘ufaitalia le resitara. O le sini ‘autū o le Puna‘oa Fa‘amau o le fai lea ma alagā‘oa e maua ai fa‘amatalaga talafeagai fa‘a-soifua mālōlōina e fesoasoani mo le ‘ausia o taualumaga tulituliloa e lelei mo tagata ‘uma ‘olo‘o maua i le CP i totonu o Aotearoa Niu Sila. www.starship.org.nz/health-professionals/ cerebral-palsy-research “You don’t need to do or know everything at once.” - FAMILY QUOTE