DOCUMENT

Cerebral Palsy - Hōkai Nukurangi Fa'amatalaga mo pepe | 5 CEREBRAL PALSY Fe‘au tāua: • E mafai ona ola fiafia ma ola manuia pea tagata ‘olo‘o maua i le cerebal palsy (CP) • E tūlaga fa‘apitoa lau tama ‘olo‘o iai le CP. • E mafai ona ‘e maua fesoasoani ma fa‘amatalaga mai isi ‘āiga e iai fānau ‘olo‘o maua i le CP, ‘o fa‘alapotopotoga ma tagata ‘ua iai tomai fa‘apitoa o le tausi soifua. • E ono lē faigofie le tālia o fa‘amatalaga e uiga i a‘afiaga o le CP i le gaioi a le tamaitiiti. ‘O le a le CP? • ‘O le CP, o se a‘afiaga tūmau e māfua mai i ni manu‘aga po‘o ni a‘afiaga i le tauolaola o le fai‘ai. • E ‘ese‘ese a‘afiaga o le CP i le gaioi, le nofo ma le tū a lau tama ma e fuafua lava i le taimi na a‘afia ai le fai‘ai, ma po‘o fea fo‘i vāega o le fai‘ai ‘olo‘o a‘afia. • Mo tagata ‘olo‘o maua i le CP e ono faigatā mo lātou gaioiga māsani e pei o le O le a le CP? Cerebral Palsy - Hōkai Nukurangi: “Don’t place a ceiling to what the child might achieve - every child is unique.” - FAMILY QUOTE fa‘ata‘avalevale ma isi gaioiga faigatā atu e pei o le savali, tau fa’apaleni o le tū ma le fa‘aaogāina o o lātou lima i fe‘au māsani. • Mo tagata ‘oloo ola ma le CP e ono maua i nisi ma‘i e aofia ai le ma‘i lili, ma/po‘o a‘afiaga o le va‘ai, ‘o le a‘oa‘o o mea, po‘o le tautala. ‘O le ā le māfua‘aga o le CP? • ‘O a‘afiaga i le tauolaola a‘e o le fai‘ai o le pepe e tele na tupu i le taimi o le ma‘itaga, i le taimi ‘olo‘o fānau ai, po‘o se taimi ‘ua fa‘ato‘ā fānau (pe ā ma le 9 o vae 10 o tagata e maua i le CP). • ‘O le ‘upu CP e aofia ai a‘afiaga o le fai‘ai e tupu i le vā o le tasi le māsina se‘ia o‘o i le lua tausaga (pe ā ma le 1 o vae 10 o tagata ‘olo‘o maua i le CP). • E lē ‘o iai se mafua‘aga patino o le CP. E tele lava mafua‘aga, itū lē mautinoa e ono tupu ai ni pēfea, ma mea e tutupu e māfua ai a‘afiaga i le fai‘ai. • O nisi o taimi e lē iloa le māfua‘aga e māfua ai a‘afiaga.