DOCUMENT

16 | Fa'amatalaga mo pepe Cerebral Palsy - Hōkai Nukurangi CEREBRAL PALSY tau soifua maloloina O auaunaga uluai iloiloga vave tau • ‘O uluai iloiloga vave e fesoasoani tele lea i le ola tuputupu a‘e o lau tama, ‘aemaise pe‘ā iai ni fa‘atutuai po‘o ni popōlega e uiga i le lātou tuputupu a‘e. • E ono galulue fa‘atasi auaunaga o uluai iloiloga vave tau soifua mālōlōina ma a‘oa‘oga. O auaunaga uluai iloiloga vave tau soifua mālōlōina i le atu Niu Sila • ‘O le Health NZ, Te Whatu Ora e sāunia auaunaga o uluai iloiloga vave i le atu Niu Sila e tauala atu i Auaunaga o le Tuputupu A‘e o Tamaiti. E maua fa‘amatalaga ‘o ia auaunaga i ‘a‘ai ta‘itasi i le: www.healthpoint.co.nz • E tele auaunaga su‘esu‘e ma vave iloilo e sāunia e le Auaunaga o le Tuputupu A‘e o Tamaiti, e fua i mana‘oga o lau tama ma le ‘āiga. E ‘ese‘ese auaunaga mo ‘a‘ai ta‘itasi o Niu Sila ma e fua i tausaga. • E galulue fa‘atasi le ‘aufaigaluega a le Auaunaga o le Tuputupu A‘e o Tamaiti ma lou ‘āiga whānau mo le fa‘aleleia o le tūto‘atasi o lau tama i fa‘atinoga masani o aso ta‘itasi. • E tele na asiasi le ‘aufaigaluega i lou fale e va‘ai ‘oe ma lau tama, po‘o lou asiasi atu fo‘i i le falema‘i po‘o le fōma‘i. • E mafai ona fa‘atonu lau tama e va‘ai le fōma‘i pe‘ā tauala atu i lau fōma‘i, o isi fōma‘i fa‘apitoa ma auaunaga e pei o le Well Child. E galulue fa‘atasi le ‘aufaigaluega a le Auaunaga o le Tuputupu A‘e o Tamaiti ma ‘oe ma lau tama: • Ina ia malamalama i mana‘oga o lau tama ma lou ‘āiga mo fesoasoani e fa‘atatau i avanoa mo le ola aoaoina ma fa‘atinoga masani • Ina ia fesoasoani i le fuafuaina po‘o ā fa‘atinoga masani e mafai ona fa‘atino i aso faiso‘o mo lou ‘āiga. O vāega tāua mo ulua‘i iloiloga vave: • E aogā ulua‘i iloiloga vave i lau tama ma lou ‘āiga whānau ‘ina ia ‘ausia se sini po‘o se mea e tulimata‘i. • E tatau ona totonugalēmū ulua‘i iloiloga vave i lau tama ma le ‘āiga whānau. • E tatau ona ‘autū ulua‘i iloiloga vave i le fiafia, ta‘alo, gaioi, sa‘ili‘ili ma le a‘oa‘o o mea fou. • ‘O ulua‘i iloiloga vave e fa‘amalosia lau tama e fa‘atino fa‘atinoga masani o aso ta‘itasi e talafeagai ma tausaga o lona matua ma le soifuaga ua o‘o i ai. • E tatau ona alualu i luma le faigatā o ulua‘i iloiloga vave a‘o tuptupu a‘e agava‘a o lau tama. Ata fa'aaloaloga a Cubro