Me he manawa tītī, me he kuaka mārangaranga. Ko te reo rāhiri, ko te reo pōwhiri e karanga atu ana ki a koutou ngā tītī, ngā kuaka, ngā manu tawhiti kia whai wāhi ai koutou ki te whenua haumako, te ākau mātauranga o Aotearoa, a ko te Whare Wānanga o Otāgo. Tēnā, karapinepine mai, whakarauika mai. Ahakoa tō awhero, ahakoa tō wawata he wāhi hāneanea mōu, he ara whakamua mōu hei whakatutuki i tēnā tāu e hiahia ai. Mēnā ka whai tohu koe ki Te Kete Aronui, ki te Ture, ki te Pūtaiao, ki te Hauora, ki te Tauhokohoko rānei, ahakoa te kaupapa he wāhi mōu, he tohu mōu. Ko te ringa āwhina ka toro atu ki a koutou, ko ngā pou taunaki ka whakaakoria, ka ārahia, ka tautokona koe ki te rere atu ki ngā karamatamata, ki ngā kōtihitihi o te ngaru mātauranga nei. Nā reira, Nau mai, haere mai, tauti mai! “A Sooty Shearwater with a stout heart, the Godwit flock rises as one.” The voice of welcome from the University of Otago calls out to you, to take rest on this rich fertile land, on this coast of knowledge. As the first university in New Zealand, the University of Otago welcomes you all. Whatever your dreams or aspirations, they can be realised here. Whether you want to pursue Humanities, Law, Sciences, Medicine or Business, there is a place for you here and a qualification to suit your specialty. At the University of Otago we have the people to teach, guide and support you to fly to the mountain tops and beyond. Welcome, welcome, welcome.